Тоҷикон метавонанд дар конфронси VII байналмилалии илмӣ-амалии «Русия ва ҷаҳон: муколама - 2023. Ҳадафҳо ва арзишҳо» ширкат варзанд

Рӯзи 16 май дар Маскав конфронси VII байналмилалии илмӣ-амалии «Русия ва ҷаҳон: муколама - 2023. Ҳадафҳо ва арзишҳо» баргузор мешавад. Чорабинии мазкур аз ҷониби Институти миллии тадқиқотии рушди алоқа (NIIRK) дар ҳамкорӣ бо институтҳои Академияи илмҳои Русия, Академияи маорифи Русия ва марказҳои илмии кишварҳои хориҷӣ баргузор мешавад.

Дар ин конфронс ҳамасола олимон ва коршиносони варзидаи кишварҳои мухталиф ширкат мекунанд. Вижагии конфронс дар табиати мураккаби он аст: омезиши сатҳи баланди тамоюли илмӣ ва амалӣ, таҳияи тавсияҳо ва пешниҳодҳо барои рушди муколама ва эътимоди байналмилалӣ, дипломатияи илмӣ ва коршиносӣ.

Иштирокчиёни конфронс масъалаҳои ташаккули низоми нави ҷаҳонӣ, моделҳо ва пешгӯиҳои рушди равандҳои байналмилалӣ ва минтақавӣ, механизмҳои рушди муколамаи байналмилалӣ, омилҳои ҷолибияти Русияро барои ҷомеаи хориҷӣ баррасӣ мекунанд. Дар конфронс ҳамчунин муколамаи расонаҳои хабарнигорон ва коршиносони соҳаи иртибот баргузор мешавад. Саҳифаи бақайдгирӣ. 

Макони конфронс: шаҳри Маскав, к. Погодинская 8, Академияи маорифи Русия.