Тоҷикистониҳо барои ширкат дар экодиктант метавонанд сабти ном кунанд

Аз рӯзи 25 ноябр то 8 декабр диктанти шашуми байналмилалии экологӣ дар мавзуи «Китоби сурх зинда мешавад: экодиктант ҳамчун роҳи наҷоти табиат» баргузор мегардад.

Экодиктант лоиҳаи солонаест, ки ба рушди фарҳанги экологӣ, таблиғи донишҳои экологӣ дар байни қишрҳои гуногуни аҳолӣ ва баланд бардоштани сатҳи саводнокии экологӣ ҳамчун чораи пешгирӣ аз ҳуқуқвайронкуниҳои экологӣ ва ҷузъи асосии амнияти экологӣ, нигаронида шудааст.

Бояд гуфт, ки диктанти экологӣ тариқи онлайн дар пойгоҳи интернетии Экодиктант.рус ва инчунин дар платформаҳои офлайн баргузор мешавад.

Дар ин чорабинӣ ҳамаи сокинони Русия, инчунин шахсони дар хориҷа истиқоматкунанда метавонанд иштирок кунанд. Соли гузашта шумораи иштирокчиёни диктанти экологӣ беш аз 5 миллион нафар буд.

Рӯзи 25 ноябр аввалин иштирокчиёни шашумин экодиктант дар Мурманск болои аввалин киштии яхшикани атомии шӯравӣ - «Ленин» дониши худро месанҷанд.

Барои иштирок дар диктанти экологӣ худро дар нишонии зерин сабти ном кунед:
https://xn--80ahmgctc9ac5h.xn--p1acf/register