Мактаббачагони Тоҷикистон барои ширкат дар олимпиадаи “Уқёнуси дониш” даъват мешаванд

Мактаббачагони синфҳои 7-11 аз Тоҷикистон имкон доранд, ки дар олимпиадаи "Уқёнуси дониш" аз Донишгоҳи федералии Шарқи Дур ширкат кунанд.

Дар маҷмуъ, озмун аз рӯи ҳафт фан, аз ҷумла математика, физика, химия, биология, таърих, ҷомеашиносӣ ва забони русӣ баргузор мешавад.

"Олимпиада ду марҳиларо дар бар мегирад: интихобӣ (фосилавӣ) то 9 январ ва ниҳоӣ (ҳузурӣ ё бо истифода аз технологияҳои фосилавӣ) то марти соли 2025”, - мегӯянд созмондиҳандагони олимпиада.

Бояд гуфт, ки барои пирӯзӣ ё гирифтани ҷоиза дар бахшҳои “Забони русӣ” ва “Ҷамъиятшиносӣ” дохилшавӣ ба Донишгоҳи федералии Шарқи Дур бе имтиҳони дохилшавӣ кафолат дода мешавад (ба шарте, ки ин фан ба рӯйхати имтиҳонҳои дохилшавӣ дохил карда шавад).

Инчунин ғолибони олимпиада имкон доранд аз имтиёзҳо барои дохилшавӣ ба донишгоҳи дигар истифода кунанд.

Ғолибон аз фанҳои дигар бошад ба натиҷаи имтиҳони ягонаи давлатӣ соҳиби 10 хол ва ҷоизадорон 5 холи изофӣ мешаванд.

Барои иштирок дар олимпиадаи "Уқёнуси дониш" довталабон бояд дар вебсайти расмӣ худро сабти ном кунанд:
https://forms.yandex.ru/u/670f444ec417f3f7b1114bbc/