Тими мунтахаби футзали Тоҷикистон барои аввалин бор дар қаҳрамонии ҷаҳон, ки дар Узбекистон баргузор мешавад, иштирок мекунад.

Мунтахаби футзали Тоҷикистон дар доираи омодагӣ ба Ҷоми ҷаҳон-2024 рӯзҳои 5 ва 8 сентябр дар Душанбе ду бозии дӯстона анҷом медиҳад.

Футзалбозони Тоҷикистон рӯзи 5 сентябр бо тими миллии Испания ва рӯзи 8 сентябр бо мунтахаби Нидерланд бозӣ мекунанд.

Ин ду бозӣ дар маҷмааи варзишии «Кохи Олимп»-и Душанбе баргузор шуда, соати ҳашти шом оғоз мешаванд.

Бояд гуфт, ки даҳумин Ҷоми ҷаҳонии футзал-2024 аз 14 сентябр то 6 октябри соли ҷорӣ дар шаҳрҳои Тошканд, Бухоро ва Андиҷони Узбекистон баргузор мешавад.

Мунтахаби Тоҷикистон зери раҳбарии Пайрав Воҳидов дар марҳилаи гуруҳии Ҷоми ҷаҳон-2024 дар гуруҳи «Е» бо дастаҳои мунтахаби Марокаш (16 сентябр), Португалия (19 сентябр) ва Панама (22 сентябр) бозӣ мекунад.

Дар телеграм моро пайгирӣ кунед!
https://t.me/halvaTJnews