4-уми май дар Вазорати адлияи ҶТ силсилаҳамоишҳои ҷавонон, ки дар назар аст то моҳи декабри соли равон давом кунад, оғоз гардид. Дар ин ҳамоиш ҷавонони касбу кори гуногуни вазорату идораҳо, ташкилоту муассисаҳо ва мақомоти иҷроияи ҳокимияти давлатӣ ҷалб карда мешаванд.

Мувофиқи маълумоти Кумитаи кор бо ҷавонон ва варзиши назди Ҳукумати Ҷумҳурии Тоҷикистон ҳамоиши мазкур бо мақсади муаррифӣ намудани дастовардҳои 30 соли даврони истиқлоли мамлакат, пешрафт ва дурнамои соҳаҳои гуногуни хоҷагии халқ ва таҳкими нақши ҷавонон дар рушди босуботи мамлакат ташкил карда шудааст.

Ёдовар мешавем, Кумитаи кор бо ҷавонон ва варзиш бахшида ба 30- солагии Истиқлоли давлатии Ҷумҳурии Тоҷикистон тасмим гирифтааст, ки силсилаҳамоишҳои ҷавонони касбу кори гуногуни кишварро таҳти  унвони «Нақши ҷавонон дар 30 соли соҳибистиқлолӣ: дастовард ва дурнамо» дар ҳамкорӣ бо вазорату идораҳо, ташкилоту муассисаҳо ва мақомоти иҷроияи ҳокимияти давлатӣ баргузор намояд.

Форуми ҷавонони бахши молия номзади худро интихоб намуданд