Қисматҳое аз филми “Василий Теркин” дар Тоҷикистон ба навор гирифта мешавад

Студияи синамои "Русское поле" қасд дорад, чандин қисмате аз аввалин иқтибоси синамоии комили манзумаи Александр Твардовский "Василий Теркин"-ро дар Тоҷикистон ба навор гирад. Дар ин бора намояндагони студияи синамои «Тоҷикфилм» хабар доданд.

Коргардони филм Карен Геворкян ва наворбардор Александр Шабатаев алакай ба Тоҷикистон сафар карда, бо директори киностудия Маҳмадсаид Шоҳиён мулоқот анҷом доданд.

Қарор аст, филмбардорӣ дар манотиқи мухталифи Тоҷикистон, аз ҷумла Варзоб, Файзобод, Шаҳринав ва Душанбе анҷом шавад.

Ба гуфтаи намояндагони студияи синамо, саҳнаҳои дар Тоҷикистон ба навор гирифташуда, ба саҳми мардуми тоҷик дар пирӯзӣ дар Ҷанги Бузурги Ватанӣ ихтисос хоҳад дошт. Айни замон интихоби ҳунармандон, таҳияи либос ва реквизитҳо оғоз шудааст.

Шоёни зикр аст, ки филмбардорӣ моҳи апрел дар вилояти Калининград оғоз шудааст. Филм зиндагиномаи ҷанговарест, ки тамоми Ҷанги Бузурги Ватаниро бидуни аз даст додани шуҷоат ва эътиқод ба пирӯзӣ пушти сар гузошт.

Василий Теркин як шахсияти тахили намоди сарбози шӯравӣ аст ва аввалин бор дар рӯзномаи "На страже Родины" соли 1940 дар замони ҷанги Иттиҳоди Шӯравӣ ва Финландия пайдо шуд.

Чандин муаллиф рӯи тасвири ӯ кор карданд, аммо ин қаҳрамон пас аз интишори китоби Александр Твардовский "Василий Теркин" дар соли 1942, ки то замони нашр нотамом монд, бештарин шуҳратро ба даст овард. Ибораҳо аз шеър ба иқтибосоти маъмул табдил ёфтанд ва аксар вақт дар намоишномаҳои театрӣ истифода мешуданд. Соли 1946 ҷоизаи дараҷаи 1 сталиниро барои ин кор дарёфт кард, аммо иқтибосоти комили филме аз ин асар қаблан анҷом нашуда буд.