10 лоиҳаи машҳури Youtube-и Тоҷикистон - 2020

Дар даҳсолаи дуюми асри 21, телевизион дорои як рақиби тавоно пайдо кард – ки ин Youtube мебошад. Аксарияти ҷавонони ҷаҳон вақтро дар ин платформа сарф мекунанд, хабарҳо пайдо мекунанд, филмҳо ва видеоҳои блогерҳоро тамошо мекунанд.

Ҳоло Youtube ҷоест, ки ҳар кас метавонад канал кушояд ва ғояҳои худро амалӣ кунад. Дар Тоҷикистон блогерҳо ҳанӯз миллионҳо обуначӣ надоранд, аммо лоиҳаҳои ҷолиб ва таваҷҷӯҳи зиёди шунавандагон ҳастанд.

Halva.tj маъруфтарин каналҳо ва лоиҳаҳои Youtube-ро, ки дар Тоҷикистон тамошо мешаванд, интихоб кард.

Канали Tamoshow

Шумораи обуначӣ: 867 ҳазор 
Теъдоди умумӣ: 430 миллион 

Канали калони мусиқии ҳунармандони Тоҷикистон ва Осиёи Марказӣ. Нашр дар ин канал маънои кафолати маъруфияти овозхонро дорад. Беҳрӯз Зеваров муаллифи лоиҳа ва роҳбари маркази продюсерии Tamoshow мебошад. Худи Беҳрӯз низ ба мусиқӣ машғул аст, аммо, ба гуфтаи ӯ, ӯ танҳо барои худ суруд мехонад. 

Территория юмора

Шумораи обуначӣ: 66, 8 ҳазор 
Теъдоди умумӣ: 9,5 миллион 

Лоиҳаи мазҳакавии ТРК "Азия", ки дар он ҷавонони боистеъдоди вилояти Суғд иштирок мекунанд. Мо гуфта метавонем, ки ин барнома ба мазҳакаи тоҷик ҳаёти нав бо завқи миллӣ бахшид.

Канали ЁРМАТОВ, Лоиҳаи Дугонахо

Шумораи обуначӣ: маълумот нест
Теъдоди умумӣ: 19 миллион

Ин канал лоиҳаҳои зиёде дорад, аммо маъруфтаринашонро  Dugonaho номидан мумкин аст - намоиши  ҳаҷвии ҷавондухтарон, ки бо видеоҳои ҳаҷвии кӯтоҳ, вале хотирмонашон дар кишвар дили садҳо ҳазор нафарро ба даст оварданд.

Канали Имшаб ва барномаи Imshab Live

Шумораи обуначӣ: 92,7 ҳазор
Теъдоди умумӣ: 7 миллион

Ровии канал Мубориз Усмонов, ҳунарманд ва овозхони хеле машҳур дар Тоҷикистон. Мубориз чеҳраҳои машҳури тоҷик ва хориҷиро, аз қабили Саро Варданян, Эллай ва дигаронро ба барномаи Imshab Live даъват карда, бо онҳо дар мавзӯъҳои гуногун мусоҳибаҳо сабт мекунад.

ORZU

Шумораи обуначӣ: 65,1 ҳазор
Теъдоди умумӣ: 6 миллион

Муаллифи канал Орзу Исоев рӯзноманигор ва нависандаи маъруф аст, барномаи шахсии "Ногуфтаҳо"-ро роҳбарӣ мекунад, ки ба он одамони маъруфи Тоҷикистонро даъват намуда, бо онҳо дар мавзӯъҳои мубрами рӯз суҳбат мекунад.

Rafael Gulov, Шоу ТojikBacha

Шумораи обуначӣ: 75.5 ҳазор
Теъдоди умумӣ: 3 миллион

Канали  ҳунарманд ва блогери машҳур Рафаэл Гулов. Ин ҷавони боистеъдод солҳои дароз дар телевизиони кудакии "Бахористон" кор карда, сипас канали худро дар YouTube таъсис дод ва самти фаъолияташро иваз кард. Вай инчунин меҳмонони маъруфро ба барномаи худ даъват мекунад ва ба онҳо саволҳои гуногун медиҳад.

Канали Nigmatov Mansur

Шумораи обуначӣ: 105 ҳазор
Теъдоди умумӣ: 6 миллион

Мансур Нигматов муаллифи канал ва яке аз маъруфтарин продюсерҳои Тоҷикистон, роҳбари маркази продюсерии TojikonHoliday мебошад. Вай барномаи шахсии "Суҳбат бо Нигматов" -ро роҳбарӣ мекунад, ки дар он ҷо аксар вақт бо ҳунармандони маъруф мусоҳиба мегузаронад. Дар канал инчунин бахшҳои зиёди дигар мавҷуданд.

Шабакаи "Peshsaf ТV", барномаи "Бонуи Пурҳунар"

Шумораи обуначӣ: 107 ҳазор
Теъдоди умумӣ: 7 миллион

Баҳриддин Сабур - ровии барномаи мазҳакавии "Бонуи Пурҳунар" занони ҳунармандро даъват мекунад ва маҳорати онҳоро месанҷад.

Канали IRON KING

Шумораи обуначӣ: маълумот нест
Теъдоди умумӣ: 2 миллион

Канал дар бораи шахсиятҳои ҷолиби Тоҷикистон. Муаллиф Ёдгор Исломбеков дар формати пурсиши мусоҳибаи youtube видео навор мебардорад, дар канали ӯ мунтазам шумораи нав бо шахсиятҳои маъруфи Тоҷикистон нашр карда мешавад.

Канали Замонавӣ, силсилафилми телевизионии "Ишк, Пул, Душанбе"

Шумораи обуначӣ: 51.4 ҳазор
Теъдоди умумӣ: 4 миллион

Zamonavimedia канали youtube-и муаллифи аст. Лоиҳаи Замонави "Ишк, Пул, Душанбе" аввалин сериали тоҷикӣ мебошад, ки танҳо дар YouTube бароварда шудааст. Шӯҳрати калон ба даст овард, тамошобинон ҳар ҳафта интизори серияҳои наванд. Ҳоло мавсими дуюми силсилафилм аст. Набиҷон Пирматов коргардони маъруф ва муаллифи ин лоиҳа мебошад.