Дар Маскав бузургтарин намоишгоҳи техникаи кишоварзӣ баргузор мешавад

"АГРОСАЛОН - 2024" интизори ширкати тавлидкунандагони мошинолот ва техникаи кишоварзӣ ва сохторҳои дахлдори давлатии Тоҷикистон дар ин намоишгоҳ аст.

 Аз 8 то 11 октябри соли ҷорӣ дар шаҳри Маскав бузургтарин намоишгоҳи байналмилалии тахассусии техникаи кишоварзӣ дар Русия, "АГРОСАЛОН- 2024" бо ҳимояти Вазорати саноат ва савдои Русия баргузор мешавад.

Намоишгоҳ аз ҷониби Иттиҳодияи тавлидкунандагони мошинолот ва техникаи кишоварзии Русия "Росспецмаш" ташкил карда шудааст.

Дар ҷараёни намоишгоҳ истеҳсолкунандагони мошину таҷҳизоти кишоварзии Русия навовариҳои техникӣ ва технологӣ барои бахши кишоварзӣ, аз ҷумла дар самтҳои зеринро намоиш медиҳанд:
 - Тракторҳо;
 - Техникаи шудгори замин ва омодагӣ ба кишт;
 - Мошинолот ва техника барои кишт;
 - Мошинолот ва техника барои пошидани нуриҳои минералӣ;
 - Мошинолот ва техника барои ҳифзи растаниҳо;
 - Мошинолот ва техника барои обёрӣ;
 - Мошинолот ва техника барои ҷамъоварии ҳосил;
 - Мошинолот ва техника барои ҷудо кардан, интиқол, коркард ва нигоҳ доштани ҳосил;
 - Мошинолот ва техника барои мева, сабзавот ва дигар зироат;
 - Қисмҳои эҳтиётии мошинолот ва техникаи кишоварзӣ.

Хоҳишмандон метавонанд маълумоти муфассал дар бораи намоишгоҳ ва инчунин дар мавриди иштирок дар он ба вебсайти намоишгоҳ бо нишонии agrosalon.ru муроҷиат кунанд.

Намояндагии тиҷоратии Русия дар Душанбе ҳамаи намояндагони бозори маҷмааи агросаноатии Тоҷикистонро даъват мекунад, ки бо маҳсулоти ин намоишгоҳ шинос шуда, дар семинарҳо, дарсҳои маҳорат ва конфронсҳо бо иштироки мутахассисони варзидаи Русия ва хориҷӣ ширкат варзанд.

Дар телеграм моро пайгирӣ кунед!
https://t.me/halvaTJnews