Донишомӯзони Тоҷикистон барои ширкат дар Олимпиадаи байналмилалии наврасон даъват мешаванд

Олимпиадаи байналмилалии наврасон як озмуни ройгон аз забони русӣ барои донишҷӯёни хориҷӣ мебошад, ки аз ҷониби Донишгоҳи миллии тадқиқотии “Мактаби олии иқтисод”-и Русия баргузор мешавад.

Аз 5 то 16 ноябр дар Мактаби олии иқтисоди Русия Олимпиадаи байналмилалии наврасон - 2025 баргузор мешавад.

Олимпиада дар шакли онлайн ва офлайн дар 16 бахш, аз ҷумла фановариҳои муосири иттилоотӣ, биология, дизайн, журналистика ва ғайра баргузор мешавад.

Дар олимпиада шаҳрвандони хориҷӣ ва шахсони бешаҳрванд – хонандагони синфҳои 10–11 (синфҳои 11–12 бо барномаи 12-солаи таҳсил), донишҷӯёни муассисаҳои таҳсилоти миёнаи касбӣ, хатмкунандагони муассисаҳои таълимии то 25-сола метавонанд иштирок кунанд.

Ғолибони олимпиада имконият пайдо мекунанд, ки бурсияи ҳукумати Русия барои таҳсил дар барномаҳои бакалавр ва тахассусӣ дар Мактаби олии иқтисодиро соҳиб шаванд.

Довталабони иштирок дар олимпиада имкон доранд барои сабти ном ба нишонии https://olymp.hse.ru/inter/ то рӯзи 25 октябр дархост ирсол кунанд.

Қобили зикр аст, ки Донишгоҳи миллии тадқиқотии “Мактаби олии иқтисод” ягона донишгоҳи Русия аст, ки дар садгонаи радабандии THE Young University Rankings шомил буда, беш аз 5,5 ҳазор донишҷӯи хориҷӣ дорад.

Дар телеграм моро пайгирӣ кунед!
https://t.me/halvaTJnews