Донишомӯзони Тоҷикистон метавонанд дар Олимпиадаи байналмиллалии риштаи нуҷум ширкат варзанд

Аз 15 то 22 сентябри соли 2024 дар қаламрави федералии "Сириус" Олимпиадаи III байналмилалии илми нуҷумшиносӣ баргузор мешавад. Донишомӯзони Тоҷикистон имкон доранд дар ин олимпиада иштирок намоянд.

Олимпиада беҳтарин анъанаҳои нуҷумшиносиро дар худ ҷамъ оварда, инчунин мутахассисони барҷастаи ин илмро аз тамоми ҷаҳон гирди ҳам меоварад.

Ҳадафҳои ин чорабинӣ таҳкими ҳамкориҳои илмию таълимӣ бо кишварҳои дигар ва кашф кардани истеъдодҳо дар соҳаи нуҷумшиносӣ мебошад. 
Олимпиада аз 4 давраи мушоҳидавӣ, амалӣ, назариявӣ ва санҷишӣ иборат аст. Барои таҳияи супоришҳои санҷишӣ комиссияи илмии иборат аз намояндагони кишварҳои гуногун фаъолият кардааст. 

Гуфта мешавад, ки кӯдакони синни то 18-сола метавонанд дар ин олимпиада иштирок кунанд.

Иштирокчиён на танҳо аз супоришҳои ҷолиб, балки аз барномаи васеи фарҳангӣ, суханрониҳо, дарсҳои омӯзиши маҳорат ва сафарҳо баҳра хоҳанд бурд.

Хоҳишмандон метавонанд барномаро дар вебсайти Олимпиада (https://owao2024.siriusolymp.ru/about) пайдо кунанд. Сабти номи довталабон барои ширкат дар олимпиада то 10 август идома хоҳад кард.

Дар телеграм моро пайгирӣ кунед!
https://t.me/halvaTJnews