“Миляи кабуд” - ба одамон тавассути варзиш кӯмак расонед

TJK RUN CLUB дар якҷоягӣ бо ташкилоти ҷамъиятии "ИРОДА" (Ташаббуси волидони кӯдакони дорои аутизм дар Тоҷикистон) аксияи хайриявии "Миляи кабуд"-ро баргузор менамояд.

"Миляи кабуд" як ташаббуси беназири варзишӣ ва ҷамъиятӣ мебошад, ки ба шумо имкон медиҳад, ки ба одамон тавассути варзиш кӯмак расонед. Ҳар як иштирокчӣ  метавонад километрро дар кори хайр саҳм гузорад.

Аксия дар тӯли моҳи феврали соли равон идома хоҳад ёфт. Дар он ҳар як шахс, новобаста аз ҷинс, синну сол, шаҳрвандӣ, маҳалли ҷойгиршавӣ ва мақом - ҳаводор ё касбӣ иштирок карда метавонад.

Барои иштирокчӣ танҳо як барномаи ройгони STRAVA даванда дар смартфони худ насб кардан, ба қайд гирифтан, ба TJK RUN CLUB ҳамроҳ шудан ва дар моҳи феврал ба қадри имкон давидан / пиёда рафтан лозим аст. Ҳангоми машқ кардан ба кор даровардани барномаро фаромӯш накунед, то натиҷаи шумо сабт карда шавад.

Иштироки ҳама хоҳишмандон комилан ройгон аст. Сарпарастони лоиҳа тамоми километрҳои дар як моҳ бадастомадаро ба сомонӣ (бо таносуби 1 км = 1 сомонӣ) табдил хоҳанд дод.

Ҳамин тариқ, шумо чӣ қадар километрро тай карда ва пиёда равед, ҳамон қадар маблағ ба садақа сарф мешавад.

Маблағҳо барои ноил шудан ба ҳадафҳо ва вазифаҳои ташкилот ба Ташкилоти ҷамъиятии "ИРОДА" интиқол дода мешаванд.
"ИРОДА" ташкилоти ҷамъиятӣ мебошад, ки ҳуқуқ ва манфиатҳои шахсони гирифтори бемории аутизмро дар Тоҷикистон дастгирӣ ва ҳимоя мекунад.