"Россотрудничество" ба хонандагони тоҷик барои таҳсил дар Русия кумак хоҳад кард

Бақайдгирӣ ба давраҳои омӯзишӣ дар намояндагии "Россотрудничество" барои мактаббачагони Тоҷикистон кушода мешавад.

"Хонаҳои русӣ" дар Душанбе ва Хуҷанд барои хонандагони синфҳои 10-11, ки қасди дохил шудан ба донишгоҳҳои Русияро доранд, ба ширкат дар давраҳои омодагӣ давъат мекунад.

Омӯзиш барои хонандагони тоҷик дар се самт гузаронида мешавад:

- Техникӣ (математика, физика, русӣ);
 -Тиббӣ (химия, биология, русӣ);
 - Инсонпарварӣ ва иқтисодӣ (забони русӣ, таърихи Русия, ҷомеашиносӣ + математика барои иқтисодиёт).

Дар ин давраҳои омӯзишӣ дарсҳои гурӯҳӣ (то 20 нафар), анҷоми корҳои хонагӣ ҳам офлайн ва ҳам онлайн тавассути вебсайтҳои ReshuUSE, Examer, муаррифии донишгоҳҳои Русия, муоширати мустақим бо намояндагони донишгоҳҳо, иштирок дар олимпиадаҳои мактаббачагон дар донишгоҳҳои Русия ва машваратҳои сабти ном дар пойгоҳи интернетӣ барои таҳсил дар донишгоҳҳои Русия баргузор мешавад.

Дар фарҷоми давраи омӯзишӣ ба донишомӯзон шаҳодатнома дар бораи хатми омӯзиш дар "Хонаҳои русӣ" дода мешаванд.

Дарсҳо бо забони русӣ аз соати 15:00 то 18:00 ҳафтае се маротиба аз ҷониби омӯзгорони баландихтисос, аз ҷумла аз Русия гузаронида мешаванд.

 Тафсилоти бештар барои хоҳишмандон: "Хонаи русӣ" дар Душанбе: 221-89-46 (47), 90000-30-27; "Хонаи русӣ" дар Хуҷанд (+992)3422-60-222.