Толиб Шаҳидӣ дар саҳнаи театри опера ва балети Душанбе ҳунарнамоӣ хоҳад кард

Театри давлатии академии опера ва балети Тоҷикистон ба номи С.Айнӣ дар ҳоли тадоруки як барномаи хореографӣ бо мусиқии Толиб Шаҳидӣ аст, ки дар он худи устод низ ҳунарнамоӣ мекунад. Бино ба иттилои дафтари матбуоти театр, қисмати асосии барномаро бо фартопиано Парасту Саодатова иҷро мекунад.

Ба ҳайси созмондиҳандагони асосии консерт таҳти унвони «Сюитаи устод» муаллифи маҳфил аз Федератсияи Русия Сергей Райник, ороишгари либос аз Олмон Валерий Кунгуров ва мутахассиси рӯшноӣ аз Беларус Симон Давид фаъолият намуда истодаанд.

Барномаи мусиқӣ 29-уми апрел соати 17:00 пешниҳоди ҳаводорони ҳунари устод Шаҳидӣ шуда, нархи чипта 50 сомонӣ муқаррар шудааст. Чиптаҳоро метавон аз хазинаи театр ё тавассути вебгоҳи  Echipta.tj   дастрас кунед.

Гуфтанист, Ҳунарпешаи мардумии Тоҷикистон Толиб Шаҳидӣ - узви Иттифоқи бастакорон ва синамогарони Русия, барандаи озмуни байналмилалии мусиқии муосир дар Ню Ҷерсӣ – Гласбороии ИМА (1987) буда, сазовори ҷоизаи давлатии Ҷумҳурии Точикистон ба номи Рӯдакӣ мебошад.